Hazrat Shaikh Ismail Simnani

حضرت شیخ اسماعیل سمنانی قدس سرہ

حضرت شیخ اسماعیل سمنانی قدس سرہ سمنان کے مشائخین میں سے تھے اور طالبان راہ سلوک کی تربیت فرماتے تھے آپ کی حالات زندگی تفصیلا درج نہیں ہیں لیکن جواشارہ ملے ہیں ان سے اندازہ ہوتا ہے کہ آپ عظیم المرتبت بزرگ تھے اورولایت کے درجے پر فائز تھے  لطائف اشرفی میں ایک عبارت ملتی ہے جس سے اندازہ ہوتا ہے کہ غوث العالم  محبوب یزدانی  سید اشرف جہانگیر  سمنانی کےمعاصرین میں تھے ۔

شیخ اسماعیل سمنانی قدس سرہ  نے غوث العالم  محبوب یزدانی  سید اشرف جہانگیر  سمنانی سے بھی ملاقات کی تھی اور ان سے شیخ طہ ٰ کی تربیت کےلئے خصوصی ملاقات بھی کی تھی وہ اس لئے کہ شیخ طہٰ شیخ اسماعیل سمنانی کی ملازمت میں تھے اورسلوک کی بہت سی منزلیں ان کی تربیت میں طے کی تھیں جب شیخ اسماعیل نے ان کی قابلیت کا ظرف بہت وسیع پایا تو غوث العالم محبوب  یزدانی سید اشرف جہانگیر سمنانی   کی میں  خدمت میں لائےاور پرزور سفارش کی  کہ شیخ طہٰ کی تربیت میں کچھ دریغ نہ کریں یہی میر ی آخری نصیحت ہے۔ ان کی سفارش کی وجہ سے غوث العالم  محبوب یزدانی  سید اشرف جہانگیر  سمنانی نے شیخ طہٰ کی تربیت فرمائی اس واقعہ کے علاوہ ہمیں لطائف اشرفی میں دوسرا کوئی ایسا واقعہ نہیں ملتا لیکن امکان یہی ہے کہ اس کے علاوہ بھی ان دونوں حضرات میں ملاقات رہی  ہوں گی اور ایک دوسرے سے کسب فیض حاصل کیا ہوگا۔ واللہ اعلم ورسولہ اعلم