Kalam e Aala Hazrat Ashrafi Miyan Qist No. 06

تذکرہ مشائخ قادریہ میں ہےکہ مصنف لکھتے ہیں " آپ گاہے بگاہے اردو فارسی اور ہندی اشعار بھی کہتے تھے لیکن یہ اشعار آپ کے مسلک کے مطابق روحانیت میں ڈوبے ہوئے تھے آپ کا پورا کلام عارفانہ ہے یہ کلام "تحائف اشرفی " کے نام سے شائع ہوچکا ہے۔                      (تذکرہ مشائخ قادریہ صفحہ 246)

آپ کی کتب میں وظائف اشرفی ، صحائف اشرفی، اور تحائف اشرفی بہت مشہور ہیں۔

کچھ عارفانہ کلام ملاحظہ فرمائیں:

عارفانہ کلام

آوارہ   جہانم    مست  مئے   الستم                        بے نام و بے نشانم مست مئے الستم

درروئےخوبرویاں دیدم جمال جاناں                       عین عیاں آنم مست  مئے  الستم

صحرائے غیب  رفتم  راز  نہفتہ  گفتم                        بیروں زایں وآنم مست مئے الستم

رفتم بہ بزم  دلبرخوردم  شراب  احمر                        منت کشِ مغانم مست  مئے الستم

اے اشرؔفی بہر جامانندشاہ راجا

بانالہ وفغانم مست مئے  الستم

٭٭٭٭٭٭٭٭

اے حبیب خالق یکتائے من                                   دے رسول پاک دل آرائے من

ازکشاکش ہائے غم عاجز شدم                                   لطف   فرما   سید    وا لائے   من

در پریشاں حالی  ودربے  کسی                                   آستانت   ما  من  و  ماوائے  من

پیش  سلطان  مدینہ  اے  صبا                                  عرض کن حال مصیبت ہائے من

                                     بر  غلام    عاجز    خود   اشرؔفی

                                     رحم کن اے والی وآقائے من

                                                                                                                                                                                                                            ٭٭٭٭٭٭٭٭٭

         سینے   میں    دل      ہوا       تپاں      ایسا                   کہ  نہ ہو  کوئی    نیم  جاں    ایسا

        گوشہ  دل  میں  خوب  آ    ٹھہرے                   یار    پاتے   کہاں    مکاں    ایسا

                    ہم  چھتاتے  رہے یہ چھپ نہ    سکا                   راز    دل   ہوگیا     عیاں    ایسا

                     نقد جاں دے کے بھی   نہ  ہاتھ   لگا                  تیرا   سودا    ہوا   گراں  ایسا

                       نکہت گل ہو  جس طرح  گل میں                  یاردل  میں ہوا   نہاں   ایسا

رگ  جاں  سے قریب  تر  ہے  وہ               سخن اقرب سے ہے عیاں ایسا

                                                            اشرؔفی   ناز   کر   تو    اشرؔف   پر  

                                                                    کون   پاتا  ہے  خانداں  ایسا

                                         ٭٭٭٭٭٭٭٭٭

غم فراق سے رہتی ہے انتشار  میں  روح

جووصل ہو تو رہے شاد جسم زارمیں روح

                                    نہ  قبر  پر  بھی   اگر  بعد مرگ  آیا  تو

رہے گی تیرے ہی تا حشرانتظار میں روح

سنا  دے  مژدہ   دیدار   جلد   اے  قاصد

                                                بہت دنوں سے تپاں ہے فراق یار میں روح

نہ سخت  ہاتھ  لگاؤ سنبھل   کے  شانہ  کرو

چھپی ہے کاکلِ مشکیں کے تارتار میں روح

طبیب    دیکھ    کے   بیمارِ   عشق    کو   بولا

بس اک حباب سی باقی ہے جسم زارمیں روح

اگر نہ  آئے  عیادت  کو  وقت  نزع بھی  تم

          تڑپ تڑپ کے رہے گی مرے مزار میں روح

خبر  نہیں   تن   لاغر   کی   اشرؔفی   ہم  کو

بھٹکتی پھرتی کہیں ہوگی کوئے یار میں روح

٭٭٭٭٭٭٭٭٭

چھپائی کس لئے صورت دکھاکر

ہمیں   آشفتہ    و     شیدا   بناکر

پھر  اپنے  حسن  کا  جلوہ  دکھادو

ہمارا       سینہ    آئینہ      بناکر

تڑپتا   ہے   دل  غمگین   ہمارا

ملے  گا  کیا  تمہیں  ہم کو ستاکر

جنوں عشق میں  یا رب کسی کو

نہ  یوں میری طرح تو  مبتلا  کر

نہ بھولو اشرؔفی کو دل سے اشرؔف

در  شاہانہ   پر   اپنے   کو   بلا کر

٭٭٭٭٭٭٭٭٭

زلف  بُتاں کے بیچ سے خالق بچائے دل

مرنا  جسے  قبول  ہو  جاکر  پھنسائے دل

یارب کبھی کوئی  نہ کسی سے   لگائے  دل

مرجائے زہر کھاکے کسی پر جو آئےدل

رکھوں کہاں میں اب سے پہلوکو چیر کر

ڈر  ہے کہیں  نہ  یہ  شررغم جلائے دل

کرتا  ہے ابتدائے محبت  سے  شوخیاں

فرمائیے تو قابو میں کس طرح آئے دل

اے اشرؔفی  بتوں  میں  محبت  ذرا  نہیں

کس طرح کوئی سنگدلوں سے لگائے دل

ہم سے نہ کچھ پوچھئے شکل خیالی ہیں ہم

یار کے اسرار سے پر نہیں خالی ہیں ہم

نور احد ہم میں ہے جلوہ  احمد بھی ہے

ذات جلالی ہیں ہم شان جمالی ہیں  ہم

اپنا  نشاں  کیا  کہیں  کون  بتائیں  پتا

ہاں نہ جنوبی ہیں ہم اور نہ شمالی ہیں ہم

اشرؔف سمناں سے گرپوچھو تو ظاہر ہویوں

نام کے  ہیں  اشرؔفی  اشرف  عالی  ہیں  ہم

               (بحوالہ تحائف اشرفی)