کلام/غوث العالم سید مخدوم اشرف جہانگیرسمنانی کچھوچھوی قدس سرہ النورانی

وصل توچوں دست داد ملک جہاں گو مباش
لعل تو چوں حاصل است گوہر جاں گو مباش
ترجمہ: وصل ترا جب ہوا ملک جہاں گونہ ہو
لعل ہے                           حاصل                               ترا                      گوہر                             جاں                   گونہ ہو

آیت حسن                        ترا                                حاجت ِ                            تفسیر                                نیست
صورت خورشید را شرح و بیاں گومباش
 ترجمہ: آیت ِرخ کو نہیں حاجت ِ تفسیر ہے
صورت خورشید کی شرح و بیاں گونہ ہو

عاشق روئے تو نیست طالب دنیا و دیں
ازروئے جاں توئی کون ومکاں گومباش
ترجمہ: تیرے دیوانے نہیں طالب دنیا ودیں
آرزوئے جاں ہے تو کون و مکاں گونہ ہو

گردش گردوں اگر قطع شود گو بشو
حاصل فطرت توئی دور زماں گومباش
ترجمہ: قطع جوہو گردش گردوں تو پھر قطع ہو
حاصل فطرت ہے دورزماں گونہ ہو

آتش عشق اربسوخت خرمن ماگوبسوز
اشرف شوریدہ را نام ونشاں گومباش
ترجمہ: آتش الفت جلائے جو جلادے ہمیں
اشرف               دلگیر               کا            نام                  و                    نشاں گو                         نہ                      ہو
ہے شہ سمناں کا در مجھ کو بہار حیات
اشرفی گل                 کے                  باغ                           جناں                گو                 نہ                               ہو

کلام/ شیخ اعظم حضرت مفتی سید شاہ اظہاراشرف اشرفی الجیلانی کچھوچھوی علیہ الرحمہ

 

سارے نبیوں میں                  چمکتا                             ہے اجالا تیرا
مل گئی                         اس کو بلندی                              جو ہے منگتا تیرا

اس کی نظروں میں سمائے گا کہاں حسن چمن
جس                        نے                           دیکھا                      ہے                            یقیناً                    در                        والا                                 تیرا

انبیاء آئے زمانے کی ہدایت کے لئے
لیے ہر زباں پہ سدا جاری رہا چرچا تیرا

جس کو اللہ (تعالیٰ) نے محبوب بنایا اپنا
اپنا مثل             پیدا نہ ہوا                                     اے                          شہ بطحا تیرا

تیرا ہو کر  اسے غیروں سے بھلا کیا مطلب
تیرے                    منگتے کو فقط                             چاہیے                    ٹکڑ ا                                تیرا

مظہر ذات خدا تیرے ہیں اوصاف جدا
ایسے محبوب کہ جس میں نہیں میرا تیرا

میرے مولیٰ میرے ملجا میرے داتا تم ہو
ہم                  غریبوں                کو                      اگر                      ہے                   تو                        سہارا تیرا

ہوکرم حالت اظہار                  پہ                   اے شاہ  عرب
 واسطہ خواجہ پیا کا ہے جو ہے پیارا تیرا

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          (مجموعہ کلام شیخ اعظم صفحہ ٨٥)

کلام: حضرت سید قطب الدین اشرفی جیلانی کچھوچھہ شریف

 

وہ دل میں بسانے کے قابل خدا ہے
وہ  دلدار  پہلو   میں   آکر چھپا ہے

جو ہے نکہت گل جو ہے   شور بلبل
 اسی سے اداہے اسی کی صدا ہے

قطب سے جو پوچھو تو ہر دل میں ڈھونڈو
ہٹادے  جو گھونگھٹ تو  محشر بپا  ہے
                                      (گل سمناں صفحہ ٢٦)

حمد باری تعالی: کلام اعلی حضرت اشرفی میاں کچھوچھوی علیہ الرحمہ

 

مشہور          ہورہا   ہے   عز  و  جلال تیرا
جاری ہے ہر زباں پر قال و مقال تیرا

توپردۂ  تعین رخ سے   اگر اٹھا دے
 عالم کو محو کردے حسن و جمال تیرا

آنکھوں میں عاشقون کی شکلوں میں مہ رخونکی
جلوہ   دکھا    رہا ہے  یہ خط    و   خال   تیرا

نظروں میں اہل دل کی کثرت ہے عین وحدت
ہر حال میں ہے حاصل قرب و وصال تیرا

مرنے سے  اپنے   پہلے  مرکر ہوا جو  واصل
حاصل ہوا    اسی   کو  پیارے  وصال تیرا

جب تجھ میں اشرفی ہے اور اشرفی میں توہے
  پھرکیا   سمجھ   میں   آئے   ہجر   وصال   تیرا    
                                                                                                                                                                                               (تحائف اشرفی  صفحہ ٨٨)

Hamd Bari TaAla: Aala Hazrat Ashrafi Miyan Kichhauchhawi Alaihirrahmah

کیوں ڈھونڈتے پھرتے ہو عالم میں کیوں اسکی تلاش میں ہوتے ہو گم
 وَھُوَ        مَعَکُمْ                  وَھُوَ         مَعَکُمْ            وَھُوَ      مَعَکُمْ                وَھُوَ       مَعَکُمْ

کوئی ہم    سے جو    اس کا پتہ   پوچھے بتلائیں گے     ہم یہ پردہ سے
فِیْ اَنْفُسِکُمْ               فِیْ اَنْفُسِکُمْ             فِیْ اَنْفُسِکُمْ              فِیْ اَنْفُسِکُمْ

وہ تو پاس تھے   پر دیکھا   ہی نہیں    لو   چپکے  سے ہم کو سنا بھی چلے
اَنَا اَقْرَبَکُمْ                        اَنَا اَقْرَبَکُمْ                  اَنَا   اَقْرَبَکُمْ                    اَنَا         اَقْرَبَکُمْ

جب من  کان  للہ   ہوئے    تو    پھر  کان   اللہ    لہ    ٹھہرے
لَارَیْبَ لَکُمْ                      لَارَیْبَ لَکُمْ                 لَارَیْبَ لَکُمْ             لَارَیْبَ لَکُمْ

یہی کہتا ہے  اشرفی  مسکیں  نہیں   خالی ہے   اس سے  کوئی کہیں
اَحَدَ           مِنْکُمْ                   اَحَدَ              مِنْکُمْ                    اَحَدَ           مِنْکُمْ              اَحَدَ        مِنْکُمْ
                                                                                                                                                                                                                                                (تحائف اشرفی صفحہ٨٥)